المنوعات

جهاد حسن عباس:لمن_يهمها_الامر

ااااااسف اذا ساهرت بيك.. 

عارفك ولا شبه السهر
وعارفك ولا شبه الهموم..
والضيقة والهم والكدر
يا قمرة من بين الغيوم..
نزلت مع الاشواق مطر
يا صافية من بين السحاب..
مرقت علي دنياي قمر
كل الاماني علي هواك..
بقت امنية وغنية ووتر
طليتي من بين الزحام..
فجيتي قلبي الاندثر
طيبت خاطرك بالكلام..
نطقت عويناتك درر
يا ربي وينك من زمان؟..
لا باينة لا حس لا خبر
لكني حاسيك من بعيد..
في جوف ضميري المستتر
بهجة وفرح منية ومرح..
تمسح عذابي الاستعر
دقيت على بابك حبيب..
سايقاني ليك قسمة وقدر
رديتي مرحب بالنصيب..
انا في انتظارك لي دهر
قالدت شوقك في العيون..
وضحكنا في وش الضجر
غنيت معاك فالنا السمح..
وساهرنا ما احلي السمر
عاهدت قلبي علي هواك..
شاهق غرامك او زفر
يتنفسك فلة وعبير..
يتعوضك زي ما صبر
عمرانة بيك كل البيوت..
وين ما مشيتي وراك اتر
خطواتي تتسابق تجيك..
واتشابي ليك بلا فتر
وكل النجوم في حضرتك..
تتواري يا اجمل قمر
واسف اذا ساهرت بيك..
لكن كمان الشوق بحررر ❤️

مقالات ذات صلة

زر الذهاب إلى الأعلى